amalinks wokungena

Breaking News

Inhlanganiso yeIMF Ithi Umnotho Welizwe Uzancipha Njalo


Inhlanganiso epha amazwe uncedo lwemali, iInternational Monetary Fund, IMF ithi umnotho welizwe leZimbabwe uzancipha ngesilinganiso eyisithupha ekhulwini.

Lokhu kwenzakala umnotho wamanye amazwe awezwekazi leAfrica uqhela ngesilinganiso esingokuhlanu ekhulwini. Isiphathamandla se IMF uMnu. Sean Nolan wethule umbiko othi eleZimbabwe libisela emuva ingqubelaphambili yentuthuko yezwekazi leAfrica.

IZimbabwe yiyo elesilingaiso sokonakala komnotho welizwe, iInflation, emhlabeni jikelele esesidlula inkulungwane eziyithoba minwe mibili ekhulwini wona amazwe angomakhelwane elomnotho oyisilinganiso esingokuhlanu ekhulwini. Lokhu kutsho ukuthi ingxenye yezizalwane zeZimbabwe engafika phose amatshumi ayisithoba minwe mibili ekhulwini zingabayanga. Ingcwethi kwezomnotho welizwe, uMnumzana Nhlanhla Nyathi utshele uChris Gande weStudio 7 ukuthi uvumelana lombiko weIMF.

Ezinye izindaba zeStudio 7 …

XS
SM
MD
LG