amalinks wokungena

Breaking News

Ukubotshwa KukaAG uMnu. Sobusa Gula-Ndebele Kudala Imibuzo Kuzulu


Umtshutshisi omkhulu kahulumende, uMnu Sobusa Gula-Ndebele ubotshiwe izolo eHarare kodwa wakhululwa ngemva kokubuzisiswa ngamapholisa kwathathwa istatement esimethesa icala lokuvimba ukulonda komthetho, iObstruction of Justice ngesilungu.

Amapholisa athi lelicala walenza aze ahlangane losomabhizimusi, uMnu. James Mushore owayengumsekeli kamqondisi webhanga le NMB. UMushore wayebalekele ebhilitane ngemva kokwetheswa icala lokusa phandle kwelizwe okungekho emthethweni imali eyizigidi zamadola emelika lamaRand eSouth Africa.

Amapholisa athi uGula-Ndebele wahlangana lo Mushore owayeze eZimbabwe nsitha esitolo sokudlela, irestaurant, wasemthembisa ukuthi engaphindela eZimbabwe kasoze abotshwe. Kodwa ingcwethi kwezombusazwe zithi uMnu. Gula-Ndebele ubevele esenyathele izithende zikahulumende ngokungavumelani laye ekuthetheni amacala ezombusazwe ayabe engalabufakazi obujulileyo. Igqwetha elilwela ilungelo likazulu, uMnu. Job Sibanda uphe uChris Gande weStudio 7 imbono yakhe ngaloludaba.

Ezinye izindaba zeStudio 7 …

XS
SM
MD
LG