amalinks wokungena

Breaking News

IZESN Ithi Ababequba Uhlelo Lokubhalisa Ukuvota Babefuna Ukufumbathiswa


Inhlanganiso ebona ngokuqutshwa kokhetho olukhululekileyo, iZimbabwe Elections Support Network, ZESN, isikhuphe imbiko ethi uhlelo lokulotshwa kwamagama abazavota, iMop-Up Mobile Registration exercise oluphele ngeviki edluleyo alwenziwanga ngemfanelo.

Linhlanganiso ithi uhlelo lolu, olwaluphelile lwaselwengezelelwa isikhathi lwalungaziswanga uzulu ngemfanelo. Linhlanganiso ithi njalo ukucitshwa komlilo kagetsi kwabangela njalo ukuthi abantu bengenilisi ukulobisa amagama abo.

IZESN isole abamabandla aphikisayo ngokungaqonqoseli abasekeli ukuthi bayelobisa amagama abo.

Linhlanganiso ithi izinduna kwezinye izigaba zengqabela abasekeli bamabandla aphikisayo ukuthi balobise amagama abo.

Okunye okwethulwe yinhlanganiso le yikuthi ezinye iziphathamandla zikahulumende ezaziquba loluhlelo zazifuna ukufumbathiswa andubana zilobe amagama abazavota.

UChris Gande weStudio 7 uxoxe lomsekeli kamongameli wecele leMDC elikhokhelwa nguMnumzana Arthur Mutambara, uMnu. Gibson Sibanda.

Ezinye izindaba zeStudio 7 …

XS
SM
MD
LG