Laloba inkulumo zokukhumisana umlotha zingakafiki emaphethelweni, zikhangelelwe ukugqitshwa ekuqaleni kwenyanga ezayo, amacele omabili e MDC asola kakhulu osokusenziwa nguhulumende okokubambanisa izigaba i delimitation, khona kungakabi logwalo olutsha lwababhalise amabizo ukuvota. Inhlanganiso ye Zimbabwe Electoral Commission i ZEC yetheswa njalo umlandu ngamacele e MDC owokuqhuba uhlelo lwe delimitation nsitha, amabandla la lozulu bengazi lutho ngakho, elikhokhelwa nguMnumzana Tsvangirai lisithi lizaphuma kunkulumo lezi.
U Brenda Moyo weStudio 7 ukhulume loMnumzana Renson Gasela isiphathamandla se MDC ekhokhelwa nguMnumzana Arthur Mutambara, ozibone nje esesemhlanganweni we ZEC e Gweru izolo, othi icele labo lizakusa loludaba kuMongameli we South Africa uMnumzana Thabo Mbeki okhokhela inkulumo zokukhumisana umlotha phakathi kwe MDC lebandla elibusayo le ZANU PF limazisa ngalokhu osokusenziwa nguhulumende.
