amalinks wokungena

Breaking News

Unkosikazi Lucia Matibenga Uthi Ukhangelele Ukuthi Udaba Lwakhe Luzalungisiswa Ngendlela Esuthisayo Ngalimpelasonto


UNkosikazi Lucia Matibenga owasuswa esikhundleni sokukhokhela uhlangothi lwabesifazane kucele le MDC elikhokhelwa nguMnumzana Morgan Tsvangirai, uthi ukungaxazululwa kodaba lolu sokusenza ehluleke ukuqhuba imisebenzi yakhe. Ikhomithi yabesifazane ebikhokhelwa nguMatibenga yesulwe ekuqaleni kwenyanga ka October njalo isikhundla sakhe sathathwa nguNkosikazi Theresa Makone okhanya engafunwa ngeyinye inkokheli yebandla kodwa efunwa nguTsvangirai kuphela.

Kulimpelasonto icele leli likhangelelwe ukwenza imihlangano emibili ozaxazulula udaba lukaNkosikazi Matibenga, lozakhuluma ngengxoxo zokukhumisana umlotha ezikhokhelwa nguMongamweli Thabo Mbeki weSouth Africa. UNkosikazi Matibenga utshele u Brenda Moyo weStudio 7 ukuthi ukhangelele ukuthi udaba lolu luzaxazululwa ngendlela ezasuthisa wonke umuntu nxa kungalandelwa isisekelo sebandla.

XS
SM
MD
LG