Osanda kukhethwa ukukhokhela ibandla elibusayo kwele South Africa ele ANC, umnu Jacob Zuma ekhuluma lentathelizindaba ngemva kokukhethwa kwakhe usekele uMongameli Thabo Mbeki kumbono yakhe ngokuphathwa kodaba lweZimbabwe, wachothoza izijeziso zenotho ezabekelwa uMongameli Robert Mugabe leziphathamandla zikahulumende ngamazwe angentshonalanga.
Kodwa uMnu Zenzo Nkomo ingcwethi kwezombusazwe elilunga le South African Communist Party, esekela u Zuma, uthi amazwi la uwakhulumele nje ukuthi kungakhanyi angani usehle esilwa loMongameli Thabo Mbeki ngemva kokumthathela isikhundla sokukhokhela i ANC.
UNkomo uthi kusese masinyane kakhulu ukuthi u Zuma aphume mgceke ngakucabangayo eddabeni lweZimbabwe, ngoba kufuze aqale akhulumisane lenhlangothi ezimsekelayo ezigoqela inhlanganiso yezisebenzi eye COSATU.