Udlakela olulandele impumela yokhetho lweKenya lubikwa luqhubekela phambili njalo kubikwa sokufe abantu abalikhulu lamatshumi amabili kulelozwe.
Abalwisanayo ngabasekeli bakamongameli Mwai Kibaki labakaMnu Raila Odinga obencintisana loKibaki kukhetho lokudinga umongameli. Ibandla eliphikisayo ele Orange Democratic Movement lidabuke phakathi sokuzayiwa kukhetho kwaba lamacele amabili athi i ODM ekhokhelwa nguye u Odinga le ODM-Kenya ekhokhelwa nguMnu Stephen Kalonzo Musyoka.
Amavoti atholwe nguKalonzo laka Odinga nxa ehlanganiswa edlula katshana atholwe ngumongameli Kibaki, okutsho ukuthi ngabe akuzange kube lokudabuka phakathi ibandla leli belilakho ukunqoba lobanje kubikwa kube lokuqilibezela. Lokhu sokwenze ingchwethi kwezombusazwe zacebisa ibandla leMDC lalo elidabuke phakathi njenge ODM ukuthi lingangena kukhetho lomnyaka ozayo lingamanyananga lizanqotshwa liyangeke njengele Kenya.
Sibelengxoxo lomsekeli kamgchinisihlalo weNCA uMnu George Mkhwananzi oveza imbono yakhe ngaloludaba.