amalinks wokungena

Breaking News

Uhlelo Lokwehlisa Intengo Ezitolo Seluzaqala Njalo


Ikhomisheni yentengo, eyeNational Pricing and Incomes Commission ibikwa seqhubele uhulumende uluhlu lwamagama amabhizimisi athengisa izinto ngentengo engavunyelwayo. Umgcinisihlalo wekomisheni le, uMnu. Godwils Masimirembwa utshele iphephandaba le Herald ukuthi sebethumele amagama amabhizimusi athengisa into ezigoqela isinkwa itshukela, isepha lenamnedi.

Abanye osomabhizimusi batshele istudio 7 ukuthi lokhu kutsho ukuthi udubo lokusilela kwezinto seluyaqhubeka. Sikhuluma nje izitolo ezinengi zilokhu zingelalutho kusukisela kwaqalayo uhlelo lokubamba ngamandla osomabhizimusi ukuthi behlise intengo yezinto. UMnu. Charles Mpofu ongukhansila wakobulawayo, utshele uChris Gande weStudio 7 ukuthi lokhu okufuna ukwenziwa nguhulumende yikubulala ngamandla umnotho welizwe wona vele osukogoqwa nyawo.

Kunjalo nje, uzulu usephila ngokuthenga emkambo wensitha ngoba abanye osobhizimusi babikwa bahle bafake impahla zabo kulumkambo ngoba befuna ukuzithengisa ngemali ephezulu kulale efunwa nguhulumende. Esinye isakhamuzi sakoBulawayo, uNkosazana Marylyn Ndiweni upha uChris Gande weStudio 7 imbono yakhe.

Ezinye izindaba zeStudio 7 …

XS
SM
MD
LG