Inhlanganiso elwela amalungelo abantu bemaNdebeleni, Ibhetshu Likazulu Pressure Group, ifolile izolo eMakokoba inanza isikhumbuzo sesehlakalo seGukurahundi.
Iqembu leli lithi lifuna kube le komiti enjenge ye Truth and Reconcialiation Commission eye South Africa, ukwenzela ukuthi abantu baziswe ukuthi kuyini vele okwenzakalayo ngalesisikhathi.
Kubikwa abantu abedlula inkulungwane ezingamatshumi amabili, i 20 000 babulawa ngalesisikhathi esigabeni semaNdebeleni lenkabazwe ngamasotsha kahulumende awe 5th brigade.
Umqondisi we nhlanganiso ye Post Independence Survivors Trust, iPIST, uMnu. Felix Mafa, utshele uSithandekile Mhlanga we studio 7 ukuthi imizamo eyenziwa ngamaqembu atshiyeneyo awokulungisa udaba lwe Gukurahundi isitshengisa izithelo.