Ingcwethi emkhuhlaneni wengculaza zithi inkuthazo yabezempilakahle emhlabeni jikelele ithi owesifazane osephila legcikwane le HIV akusinto enhle ukuthi azithwale, kodwa kukuye ukuthi azikhethele akufunayo. Udokotela Elopy Sibanda osebenzela ugatsha lwezempilakhale olubona ngokumemetheka kwamagcikwane e University of Zimbabwe uthi imali evela kwamanye amazwe yokuphathisa enhlelweni ze HIV le AIDS ibingenelisa ukuphathisa ilizwe kakhulu kodwa umkhuhlane we AIDS lawo usumemetheke kakhulu elizweni, okubangela ukuthi imali le iphele masinyane, ingenzanga okunengi.
USibanda ubekhuluma ngemali esanda kunikwa ugatsha lwezempilakhahle yinhlanganiso ye Elizabeth Glazer Pediatric Aids Foundation yakwele Melika efika 1 12,5 million US dollars. Imali le ikhangelelwe ukuphathisa enhlelweni ezigoqela ezokuvikela usane ekuthatheni igcikwane kunina.