Imibiko ephume kumaPhephandaba kahulumende yethesa uMnumzana Simba Makoni umlandu wokwamukela imali yokukhankasela ukhetho kumankampani akwamanye amazwe. Amankampani la agoqela i CITI group yakwele Bhilithane, le South African Breweries-Miller, yona esilandule limibiko. Laye uMakoni ulandule imibiko le.
Namhlanje besekuphuma eminye imibiko yokuthi umkhankaso kaMakoni usubuyela emuva ngenxa yokusilela kwemali. Esinye isiphathamandla semahofisini ka Makoni esingathandanga ukuqanjwa ngegama sitshele iStudio ukuthi kuliqiniso ukuthi bafuna imali, amafutha ezimota, imitshina yamacomputer lamat-shirts amhlophe kumbe alithanga angabhalwanga lutho. Sacela kulabo abafisa ukuphathisa.
Kodwa laloba uMakoni ebhekane lalezindubeko ubikwa ubeyekhankasa namhlanje esigabeni se Mashonaland Central. UMnumzana Rejoice Ngwenya ingcwethi ecubungula ezombusazwe utshele u Brenda Moyo weStudio 7 ukuthi indubeko lezi ezibhekane lomkhankaso kaMakoni ngezokuzidingela ngoba kwakumele kubelokuqoqa okujulileyo ngaphambilini kokungena kwakhe kumncintiswano wokhetho.