Uhulumende weMelika uthi umnyaka ka2007 ubengumnyaka omubi kakhulu ukwedlula iminyaka yonke embalini yeZimbabwe kundaba zamalungelo oluntu ngoba kubelokwephulwa kwamalungelo kazulu okuqonge kakhulu.
Kugwalo oluphume izolo uhulumende weMelika uthi kulabantu abazinkulungwane eziyisitshiyagalo mbili, 8000 abephulelwe ilungelo labo nguhulumende ngendlela ezitshiyeneyo.
Abangu 1, 600 ngababotshwayo kungelazizatho, kwathi abanye ngabavalelwayo ezitokisini okwamalanga bahlukuluzwa bengalacala. Ugwalo lolu lusola kakhulu amapholisa ngokusetshenziswa nguhulumende weZanu PF ukuthi ehlukuluze labo abaphikisana lombuso kaMongameli Robert MUgabe abagoqela, abamabandla aphikisayo, izisebenzi labalwela ilungelo loluntu.
Igqhwetha elilwela ilungelo loluntu uMnu Kossam Ncube utshele uNtungamili Nkomo weStudio 7 ukuthi uvumelana lombiko weMelika, esithi laye wahlukuluzwa kakubi ndawonye lamagqhwetha amanengi elizweni ngamapholisa nyakenye.