amalinks wokungena

Breaking News

Abe Zimbabwe Abase South Africa Abakade Bethenjiswe Amabhasi Kabasenelisanga Ukuya Votha


Ixuku lezizalwane zeZimbabwe ezihlala kwele South Africa ebezizimisele ukuyavota ekhethweni lwakusasa, lisele libambe owangaphansi umlomo eJohannesburg ngemva kokuba labo abakade bebathembisile ukuthi bazabadingela amabhasi okubathwala kungela mbadalo okuya eZimbabwe, sebenyamalele.

Enyangeni ezimbili ezedluleyo inhlanganiso ye Peace Democracy Project-PDP ivule indawo ezilitshumi eJohannesburg lapho ebikhuthaza uzulu weZimbabwe ukuthi ayevota ekhethweni lwakusasa. Ngokutsho kobona ngokuqoqwa kwenhlelo zale inhlanganiso uMnumnzana Bekithemba Jama, inhlanganiso le yahlela uhlelo lokuthi labo abafuna ukuyavota kodwa bengelamali yokugada amabhasi babhalise ukuze ibasize ngamabhasi amahala.

Ngolwesine uquhaha lwalabo abebetshelwe ukuthi bayelinda amabhasi lawo eCentral Methodist, babheke indlela kwaze kwayalalwa phinde bawabone lawo mabhasi. Abakhulume leStudio 7 bathe umlayezo wokuthi balindele lawo mabhasi uvela kuMnumnzana Giyane Dube isiphathamandla secele lemdc elikhokhelwa nguMnumnzana Tsvangirai, bathi uthembise waqinisa ukuthi ngabo 4 ntambama bazabe sebelubhekise eZimbabwe.

Ezinye Indaba ngesiNdebele...

‚Äč
XS
SM
MD
LG