Ekuqhubekeni kodlakela ngemva kokhetho amasotsha abikwa etshaye abantu abmbalwa edolobheni kweGweru kwalimala abanengi abanye basiwa esibhedlela. Abatshayiweyo laba bacatshangelwa ukuthi ngabasekeli bebandla leMDC elikhokhelwa nguMnu. Morgan Tsvangirai.
Lokhu kwenzakala inhlanganiso ekhutahaza ukuthula elizweni, iZimbabwe Peace Project yethule umbiko othi inani lobudlwangudlwangu liyaqansa elizweni. Linhlanganiso ithi eMashonaland abalwa impi yenkululeko, amaWar Veterans asevuke ubhova ethwalise abasekeli bemdc avuzayo. IZPP ithi kukhanya udlakela lolu luyindlela yokulungiselela ukhetho olungenziwa njalo lokudinga uMongameli.
EMasvingo linhlanganiso ithi amabhasi awaphiwa lesisigaba nguMongameli Mugabe asesusiwe atshiya izakhamuzi ebeziwasebenzisa ukuthwala abantu besuka eza besiya masvingo bengaselacebo. IZPP ithi eManicaland amawar vets aqhubeka engena emapulazini abamhlophe njalo amapholisa akhanya ezigoqele izandla. Obona ngokuqutshwa kokhetho kucele leMDC elikhokhelwa nguMnu. Tsvangirai enkabazwe, uMnu. Obert Ncube utshele uChris Gande weStudio 7 ukuthi lokhu ngokwesithathu ukuthi amasotsha abhaxabule izakhamuzi zegweru ngemva kokhetho.