Umbukiso wezamabhizimisi i Zimbabwe International Trade Fair, uqalisa kusasa, ilizwe likhangelane lokubhidlika komnotho okwesabekayo, njalo lingahlalisekanga kwezombusazwe. Ingcwethi ecubungula ezomnontho njalo engumsekeli kamqondisi wenhlanganiso ebona ngokuthuthuka kwezamabhizimisi abensudu i Affirmitive Action Group- AAG, uMnumzana Sam Ncube utshele u Brenda Moyo weStudio 7 ukuthi abamabhizimisi bayehluleka ukuqhuba umsebenzi ngemfanelo ngoba kungazakali ukuthi ilizwe limi ngaphi, kulindelwe impumela yokhetho lukamongameli, lokubalwa kutsha kwamavoti ezigabeni ezingamatshumi amabili lantathu.