Ukutshiya umsebenzi komqeqetshi weqembu lenguqu lelizwe leSouth Africa, iBafana Bafana, uCarlos Alberto Pareirra sekudale imbuzo ngomqeqetshi wamaWarriors eZimbabwe. UPareirra udabuka eBrazil lapho okuvela khona uJose Claudenei Georgini Valinhosi oqeqetsha amaWarriors.
UPareirra waqeqetsha iqembu leBrazil laze layafika kumidlalo yenkezo yeWorld Cup ngomnyaka ka 1994. Kodwa selokhu waqalisa ukuqeqetsha iqembu leBafana Bafana leliqembu belingadlali kuhle latshengiswa intuba esigabeni sakuqala semidlalo yeAfrican Nations Cup eyadlalelwa eGhana.
Kodwa intathelizindaba labalandeli bomdlalo wenguqu bathi uPareirra usuke ngoba bekulokungenela kweziphathamandla zemidlalo. Umlandeli weqembu lamaWarriors, uNkosilathi Ndiweni utshele uChris Gande weStudio 7 ukuthi okwehlele uPareirra kulakho ukwehlela uValinhosi ngoba inhlanganiso yenguqu eZimbabwe layo ibikwa ingenela emsebenzini kaValinhos.