amalinks wokungena

Breaking News

Udlakela Luqhubeka Lusidla Ubhedu Elizweni


Inhlanganiso elwela ilungelo loluntu, i Zimbabwe Peace Project ithi ukuhlukuluzwa kwabantu, ikakhulu amalunga ecele le MDC elikhokhelwa nguMnu. Morgan Tsvangirai lokhu kuqhubekela phambili elizweni endaweni ezigoqela elemandebeleni, inkabazwe kanye le Masvingo.

Abahlukuluza uzulu babikwa bengabasekeli bebandla le ZANU PF abagoqela abalwa impi yenkululeko, amasotsha kanye labatsha abaziwa ngokuthi ngamagreen bomber. Oncintise edinga ukuba nguSenator eBubi/ Mguza, wecele leMDC elikhokhelwa nguMnu. Morgan Tsvangirai, u Mnu. Moses Moyo, owazakala ngegama lokuthi Sivalo, utshele uSithandekile Mhlanga we studio 7 ukuthi lokhu esebuhlungwini ngemva kokutshaywa ngabantu abahlanu ababezithi ngabalwa impi yenkululeko, abalokhu bemlindile entubeni ye plothi lakhe kuze kube lamuhla.

Kunjalo nje, obona ngokwethulwa kwembiko kulelicele le MDC leli, uMnu Felix Magalela Mafa Sibanda, utshele uSithandekile Mhlanga we studio 7 ukuthi isigaba sakhe sithola imbiko ethi udlakela lolu khona luzamemetheka.

Ezinye indaba ze studio 7…

XS
SM
MD
LG