amalinks wokungena

Breaking News

UGono Ukhweza Imali Esingathathwa Ebhanga Ngelanga


Usibalukhulu webhanga lesizwe, iReserve Bank, uMnu. Gideon Gono uthi uhulumende uzimisele ukulwisana lesilinganiso sokonokala komnotho welizwe, iinflation, ayifanise lesinanakazana.

Isilinganiso lesi sesiqonge safika ku 165 000 percent kuthi lona idola leMelika selithengwa ngamadola eZimbabwe adlula i$160 000. Esethula imbiko yakhe yeMonetary Policy uGono uthe amandla emali yaphandle kwelizwe, iforeign currency, asezabiwa ngokutholokala kwale mali emkambo. Okutsho ukuthi mhla inengi limali emkambo amandla ayo azehla. UGono uphinde njalo wazisa ngokukhwezwa kwemali esivunyelwa ukuphuma layo elizweni ivela kuhiliyoni elilodwa isiya kumabhiliyoni amahlanu.

UGono uthe abantu sebesenelisa ukuthatha imali engamadola angamabhiliyoni amahlanu kusukela kumadola alibhiliyoni elilodwa. Ingcwethi ecubungula ezenotho yelizwe, uMnu. Rejoice Ngwenya, utshele uChris Gande weStudio 7 ukuthi uGono utshengisele sobal ukuthi uhulumende kaselamacebo okuhlenga ilizwe ebunzimeni elikhona.

Ezinye izindaba zeStyudio 7 …

XS
SM
MD
LG