amalinks wokungena

Breaking News

Icele Le MDC Lehluleka Ukucaca Kudaba Lokuthi Livotelwe Ngabantu Abangaki


Icele leMDC elikhokhelwa nguMnumzana Morgan Tsvangirai lithi lilakho ukungena kukhetho lwe Run Off nxa abasekeli balo bengalivumela ukwenza lokho laloba lisithi yilo elinqobileyo kukhetho owedluleyo.Unobhala jikelele walo uMnumzana Tendai Biti uthi okwakhathesi ibandla lakhe alikavumelani lombono wokhetho lwesibili, kodwa umsekeli wesikhulumi salelibandla uNkosazana Thabitha Khumalo uthi kuzaqala kwenziwe imihlangano ethize ukuze lelibandla lazi ukuthi ngeqiniso limi ngaphi. Kodwa ukungangeni kwalo ekhethweni kutsho ukuthi uMongameli Robert Mugabe nguye oyabe esenqobile, njalo osezaqhubeka ebusa ilizwe.

UNkosazana Thabitha Khumalo uchasisela u Brenda Moyo weStudio 7 ngolunye njalo udaba lokuthi icele labo alisanga inani labantu abalivoteleyo kunhlanganiso ebona ngokuqhutshwa kokhetho eye Zimbabwe Electoral Commission i ZEC, njengesicelo seZEC kunsuku ezilutshwana ezedluleyo.

Kunjalo nje ingcwethi ecubungula ezombusazwe uMnumzana Thompson Mkhwananzi utshele istudio 7 ukuthi uzulu weZimbabwe kumele emukele impumela yokhetho eyethulwe yi ZEC, ngoba kuyilo uhlangothi olubona ngezokhetho elizweni olusemthethweni. uMkhwananzi uthi icele le MDC kumele liziqoqe masinyane lingene kulolu khetho.

XS
SM
MD
LG