Udlakela lokhu luqhubekela phambili ezigabeni ezitshiyeneyo zelizwe, ikakhulu emaphandleni lapho abasekeli bebandla le ZANU PF bebikwa behlukuluza abantu ababacabangela ukuthi yibo ababangela ukuthi ibandla leli linqotshwe kukhetho olwedlulayo.
Abasekeli balelibandla bagoqela abalwa impi yenkululeko, inengi lamasotsha kanye le ntsha eyaziwa ngokuthi ngama ‘green bomber’. Kodwa uhulumende uyakuphika lokhu, esithi abasekeli becele le MDC elikhokhelwa nguMnu. Morgan Tsvangirai, yibo abahlukuluza amalunga ebandla le ZANU PF.
USithandekile Mhlanga we studio 7 uxoxe lo mlaleli walumsakazo, u Mnu. Arnold Ncube ohlala eInyanga, osithumele i ‘text message’ ukuze asichathekele ngodlakela olwenzakala esigabeni sakhe.