amalinks wokungena

Breaking News

Iqula Elahlola Ukhetho Lithi Akungeke Kwenziwa Olunye Njalo Ukhetho Ngenxa Yodlakela


Owakhokhela iqula leSouth Africa labahlola ukuqutshwa kokhetho eZimbabwe, umnu. Kingsley Mamabolo uthi akungeke kwenziwa ukhetho lwerun-off ngoba kulokuhlukuluzwa lokutshaywa kwabasekela uMnu. Morgan Tsvangirai.

Ingcwethi zombusazwe zithi lokhu sekuchaye egcekeni umehluko wembono kaMongameli Thabo Mbeki lohulumende wakhe. Ibandla likaMbeki, iANC, elikhokhelwa nguMnu. Jacob Zuma, lithi kulohlupho elizweni kodwa yena uMbeki, owetheswa icala lokucupha mganu munye loMongameli Mugabe, esithi akulahlupho eZimbabwe. UMnu. Mamabolo uthi kumele udlakela lume andubana kuqutshwe ukhetho lwe run-off.

Omunye owahlola ukhetho lweZimbabwe phansi kwequla leSADC ekhokhelwa nguMnu. Mamabolo, uMnu. Khaye Nkwenyana owebandla leCommunist Party, utshele uChris Gande weStudio 7 ukuthi ngabakubonayo vele akungeke kwenziwa ukhetho lwesibili, irun-off ngoba kungachitheka igazi elinengi kakhulu.

Ezinye izindaba zeStudio 7 …

XS
SM
MD
LG