Inhlanganiso ye International Crisis Group, iICG, ithi abakubutho eZimbabwe balakho ukuhluthuna umbuso nxa uMangomeli Mugabe engaqotshwa kukhetho lwe run-off.
Linhlanganiso ithi uMongameli Mugabe ukhanya engaqotshwa nguMnu. Morgan Tsvangirai kukhetho lolu nxa luyabe lukhululekile. I ICG ithi inkokheli zebutho eziyizo ezikhokhela udlakela olwenzakala elizweni yizo eziyenga umugabe ukuthi engasuki embusweni.
Linhlanganiso ithi okungcono yikuthi uMnu. Tsvangirai abumbe uhulumende womanyano ozamanyanisa amalunga amabandla agoqela iZanu PF leMDC. Ingcwethi ecubungula ezombusazwe, uMnu. Mlamuli Nkomo uphe uChris Gande weStudio 7 imbono yakhe ngaloludaba.