Inhlanganiso ezizimeleyo eziphansi kweNational Association of Non-Governmental Organisations, Nango zihlangene lamuhla zihlela ukuthi amalunga azo azahlola ngokhetho azaqhuba njani lumsebenzi engelakwesabela impilo zawo.
Inhlanganiso ezifana labo Women’s Coalition labo ZCTU ezihlaziye njalo udaba lodlakela oluselizweni, zibophe ukuthi zizakhulumisana leZEC kanye labezombusazwe zidinga ukuthi amalunga azo azabona ngokuqhutshwa kokhetho engahlukuluzwa, kubika isiphathamandla senango uMnu Peter Muchengeti exoxa lentatheli yeStudio 7 uNtungamili Nkomo.
Ngakwelinye icele intatheli yethu uMartin Ngwenya uthi abenhlanganiso ezizimeleyo kweleBotswana bethulele uMongameli Ian Seretse Khama, uluhlu lwezikhalazo zabo ngesimo seZimbabwe ngaphambi kokhetho lwerunoff. Inhlanganiso lezi zithi kumele kuthunyelwe abazaya hlola ngokhetho lokudinga umongameli olwesibili, njalo kuqedwe udlakela oselusalele elizweni.