amalinks wokungena

Breaking News

Amapholisa Aqalisile Ukuvota Phambi Kwezikhulu Zawo Kukhetho Lukamongameli


Imbiko etholwe yiStudio 7 ngolweSihlanu ithi eHwange leLupane amapholisa aqalisile ukuvota ezinkambeni zawo ethiwe nhlo amehlo yizikhulu zawo. Lokhu kusobala ukuthi nxa ezavotha phakathi komumo onje alakho ukubanjwa ngamandla ukuvothela uMongameli Robert Mugabe njalo kuyabe kungela mfihlo yevothi yawo. Imizamo yeStudio 7 yokukhuluma lamapholisa ngaloludaba yehlule. Kodwa esinye isakhamuzi seHwange, uMnu. Thomas Mafirakureva, uchasisele uChris Gande weStudio 7 okunengi ngokuvotha kwamapholisa lokhu.

Kunjalo nje, ngolweSihlanu umthethwandaba wokwamukela amagama abazancintisa kukhetho lokudinga abazamela izigaba ezintathu edaleni lephalamende kukhetho oluzenziwa mhlaka 27 ngenyanga ezayo uhlalile.

Akubanga lokhetho ezigabeni ezibalisa iPelandaba-Mpopoma, Gwanda South le Redcliff ngoba ababemela lezindawo bafa sekuzenziwa ukhetho olumanyanisiweyo.

Obemele amele icele leMDC elikhokhelwa ngu Arthur Mutambara eGwanda south, umnu. Garfield makwati walelwe ukungena kukhetho lelibandla lahle lafaka unkosikazi elizabeth ndlovu.

Abanye abancintisana laye ngu Nephat Mdlongwa owecele leMDC elikhokhelwa ngumnu. Morgan Tsvangirai kuthi iZanu PF izamelwa nguMnu. Shakespeare Orders Mlilo. EPelandaba-Mpopoma abazancintisa bagoqela uMnu. Sandla Khumalo owecele leMDC elikhokhelwa nguMnu. Morgan Tsvangirai, uMnu Chamunorwa Mahachi owe ZDB, uMnu Fungai Mutukwa ozimeleyo, iUPP imelwa nguMnu Mahlamvana Ndlovu kuthi iZanu PF imelwe nguMnu. Sikhanyiso Ndlovu. UMnu. Paul Siwela owebandla leFederal Democratic Union laye uzancintisa kulesi sigaba loMnu. Job Sibanda uzancintisa ezimele.

Ezinye izindaba zeStudio 7 ..

XS
SM
MD
LG