amalinks wokungena

Breaking News

UMnu Arthur Mutambara Uyakhululwa


Umkhokheli welinye lamacele eMDC uMnu Arthur Mutambara, obotshwe ngeSonto umiswe phambi komthethwandaba lamuhla esetheswa icala lokuhlambaza uMongameli Robert Mugabe lelokweyisa umthethwandaba.

UMnu Mutambara uvunyelwe ukuhlawula i$20 billion yesibambiso ukuze athoniswe evela ngekhaya. Igqwetha lakhe uMnu Harrison Nkomo laye umiswe phambi komthethwandaba esetheswa icala lokuhlambaza uMongameli Mugabe.

Umthethwandaba uthe uMutambara kumele aziveze enkambeni yeHarare Central ngoLwesihlanu maviki wonke. Ekhuluma leStudio 7 uMutambara uthe uyawalandula amacala abhekane lawo esithi amapholisa afuna ukumhlukuluza nje kuphela.

Amazwi akhe asekelwe ngumsekeli wesikhulumi sebandla lakhe uMnu Abednico Bhebhe kungxoxo ayenze loNtungamili Nkomo weStudio 7.

Ezinye Indaba ZeStudio 7...

‚Äč
XS
SM
MD
LG