amalinks wokungena

Breaking News

Selibuswa Ngamasotsha Ilizwe: Tsvangirai


Umkhokheli welinye lamacele eMDC uMnu Morgan Tsvangirai uthi ibandla lakhe lilobufakazi obugcweleyo obuveza ukuthi inhlanganiso ebona ngokuqhutshwa kokhetho, iZEC iphakathi kokuqatsha abatsha abeZanu PF lamasotsha ukuthi babe yibo abaqhuba ukhetho lwe run-off.

Ekhuluma lentathelizindaba eHarare lamuhla uMnu Tsvangirai uthe ulobufakazi njalo bokuthi ilizwe selibuswa yizikhulu zamasotsha, into ayisole kakhulu. Usole usikomitshi wamapholisa uAugustine Chihuri esithi uvikela abasekeli beZanu PF ukuthi bengabotshwa nxa bengaphatheka kudlakela.

Egqiba umhlangano wakhe lentathelizindaba, uTsvangarai uthe iMDC ikhangelele ukunqoba kukhetho oluzayo laloba kulodlakela.

Uphethe ngamazwi avame ukwethulwa ngozamela ibandla lama Democrats ngapha eMelika kukhetho lukaLwezi uMnu Barack Obama awokuthi "This is the change you can trust” esitsho ukuthi inguquko elethwa libandla lakhe yinguquko uzulu okumele ayithembe.

Ingcwethi ecubungula ezombusazwe uMnu Mlamuli Nkomo, ekhuluma loNtungamili Nkomo uhlaziye amazwi kaTsvangirai la.

Ezinye indaba ZeStudio 7...

XS
SM
MD
LG