Ibandla leMDC elikhokhelwa nguMnu Morgan Tsvangirai izolo lethulele iqula lePan African Parliament elizebona ngokuqhutshwa kokhetho lwerun-off, ubufakazi bodlakela oluqhubekela phambili elizweni. Iqula leli lenze umhlangano loMnu Morgan Tsvangirai leziphathamandla zebandla lakhe lathembisa ukuhlaziya lolu daba lodlakela. IPan African Parliamant ithi ithumele iziphathamandla ezilitshumi elizweni ngeviki edluleyo njalo izathumela ezinye ezingamatshumi amathathu ekupheleni kweviki. ISADC yona ithi isithumele iziphathamandla ezilikhulu lamatshumi amahlanu, njalo ezinye zikhangelelwe ukufika elizweni kuliviki.
IMDC ithi ikhangelele ukuhlangana labeSADC ukuthi ibethulele labo ubufakazi bokuhlukuluzwa kwabasekeli bayo. UNtungamili Nkomo weStudio7 uxhume umsekeli wesikhulumi seMDC uNkosazana Thabitha Khumalo ochasisa ngomhlangano wabo lequla lePAP izolo.