Abasekeli bamacele omabili e MDC abedlula itshumi lambili balimele, abane babo kakubi, ngesikhathi abalwa impi yenkululeko bevuke eseganga baqala udlakela olutshiye imizi emibili yabasekeli beMDC itshisiwe eGwanda North ngezansi kweleMandebeleni.
Udlakela olulokhu luqhubeka eGwanda North luqale kumaviki amabili edluleyo kulandela ukufika komkhokheli we MDC uMnumzana Tsvangirai esethekelela abantu ezigabeni ezitshiyeneyo zelizwe. Lokhu kudale ukuthi abalwa impi yenkululeko balande bonke abantu ababonakala bencedisa ukulungiselela ukufika kuka Tsvangirai bebethesa icala lokufuna ukuthengisa ilizwe. Abalwa impi yenkululeko baqale udlakela lolo eSitezi lapho abatshaye khona abantu batshisa umuzi owodwa.
Ezinye izindaba zeStudio7..