Umongameli Thabo Mbeki wele South Africa ufikile lamuhla elizweni waba lomhlangano lomongameli Robert Mugabe, lapho ababikwa bekhulume ngokuphathelene lokubona ukuthi ukhetho oluzayo olwe run off lube ngolukhululekileyo.
Kodwa uhulumende we South Africa uthi uhambo lukaMbeki lolu ngolokuqhubeka ngokuba ngumlamlankunzi phakathi kwebandla le MDC lele ZANU PF ayevele ekwenza.
UMbeki ubikwa efikele egcekeni lendizamtshina eHarare lamuhla emini, njalo wadlulela edolobheni lako Bulawayo, ukuyahlangana lo Mugabe obelemihlangano yokukhankasela ukhetho ezigabeni zemaNdebeleni ezitshiyeneyo.
UMfundisi Promise Manceda isiphathamandla se Christian Alliance, inhlanganiso ephatheke ngokulondoloza abantu ababaleka emizini yabo ngenxa yodlakela olukhona elizweni, utshele uSithandekile Mhlanga we studio 7 ukuthi uMbeki ulakho ukuthi amkhuze uMugabe ngoba ungani usevuma ukuthi kulohlupho elizweni.
Ezinye indaba ze studio 7…