IMDC KaMnu Morgan Tsvangirai Ithi Ayiphumanga Kukhetho Olwedale Lephalamende Olwangolwesihlanu

Icele le MDC elikhokhelwa nguMnumzana Morgan Tsvangirai lithi laloba umongameli walo esephumile kukhetho lukamongameli lizaqhubeka ngokhetho lwabameli bedale lephalamende. Ukhetho lolu lwenziwa ePelandaba- mpopoma, Gwanda South le Redcliff, ngolwesihlanu ndawonye lolwe Run-Off. Umsekeli wesikhulumi salelibandla uNkosazana Thabitha Khumalo uthi bakubone kufanele ukuthi bengaphumi kulolukhetho laloba elizweni kulodlakela.

Kunjalo nje abecele elikhokhelwa nguMnumzana ArthurMutambara bathi ukuphuma kukaTsvangirai kukhetho lukamongameli akusoze kuphazamise olwamalunga edale lephalamende kuzigaba ezintathu lezi.Obona ngokuqhutshwa kokhetho kubandla leli uMnumzana Paul Themba Nyathi ukhuthaza uzulu kulezizigaba ukuthi ayevota ngolwesihlanu loba uTsvangirai esephume kumncintiswano wokhetho lukamongameli.