amalinks wokungena

Breaking News

Kutholakala Izidumbu Ezinhlanu Zabasekeli BeMDC eGweru


Kubikwa kutholakale izidumbu ezinhalanu zabasekeli beMDC eMachekandhumba duzane ledolobha leGweru lamuhla ekuseni. Eduzane lalindawo kubikwa njalo kutholakale isidumbu somuntu ocatshangelwa ukuthi yinsoli kahulumende.

Kuthi ezaka esigabeni seMasvingo amapholisa bikwa ethole izidumbu zabasekeli beMDC ezimbili ebezigqitshelwe egodini. Lokhu kwenzakala ibandla lemdc lisithi inani lamalunga alo asebulewe sekulokhu kwaqhaumuka udlakela lwezombangazwe ngenyanga kaMbimbitho selisedlula ikhulu elilodwa. Lelibandla lithi abasekeli abedlula inkulungwane ezinhlanu abaziwa ukuthi bangaphi. Sekubotshwe amalunga adlula inkulungwane lamakhulu amahlanu.

Phakathi kwalabo ababotshiweyo kulamalunga edale lephalamende angamatshumi amabili. Isikhulumi seMDC, uMnu. Nelson Chamisa utshele iStudio 7 ukuthi iZanu PF ileqhinga lokubopha amalunga edale lephalamende ukwenzela ukuthi nxa amalunga la engagcotshwa esemele avotele isikhulumi salelidale amalunga eZanu PF azabe yiyo amanengi.

Inhlanganiso ebona ngokuthula elizweni, iZimbabwe Peace Project ithi kudilizwe inkamba zokuhlukuluza abantu eMakoni eChitungwiza. Kodwa linhlanganiso ithi akwaziwa muntu ukuthi abasakhulayo kade bekulezi nkamba babotshiwe na. Umgcinisihlalo wenhlanganiso yomananyano wenhlanganiso ezizimeleyo enkabazwe, iNANGO, uMnu. Peter Muchengeti utshele uChris Gande weDtudio 7 okunengi ngezidumbu zeGweru.

Ezinye izindaba zeStudio7 ….

XS
SM
MD
LG