amalinks wokungena

Breaking News

Kusilela Imali Elizweni Kulandela Ukwehluleka Ukudindwa Kwayo


Inkampani kahulumende edinda imali, iFidelity Printers ibikwa isimise imitshina yayo ngoba inkampani ebiyiphathisa ukwe lumsebenzi, eye Austrai i Jura JSP isimise uncedo lwayo. Linkampani ibikwa ikhalale ukusebenzelana lohulumende weZimbabwe ngoba amazwe aphetsheya esithi kumele uhulumende weZimbabwe ethulelwe izijeziso zenotho.

Lokhu kuza ngemva kokuba enye njalo inkampani eye Germany i Giesecke and Devrient yazise ngenyanga edluleyo ukuthi kayisaphi uhulumende wezimbabwe iphepha lokudinda imali. Abazi ngokwenzakalayo enkampani yeFidelity Printers batshele iStudio 7 ukuthi linkampani isikhangelele ukuthi leliphepha livele emalysia kodwa okwakathesi akula ngitsho lelilodwa.

Lokhu kubikwa sekubangele ukusilela kwemali emabhanga. NgoMvulo inhlanganiso yezisebenzi, iZCTU ilobele usibalukhulu webhanga leReserve, uMnu. Gideon Gono ukuthi angezelele imali ethathwa ebhanga ngelanga isuka ku $100 billion iye ku one trillion kodwa ngenxa yokusilela kwephepha lemitshina yokudinda limali kukhanya lokhu kungasoze kwenzakale kunsukwana ezilandelayo. UChris Gande weStudio 7 uxoxe lesakhamuzi sakoBulwayo, uNkosazana Sithabeli Moyo ukuze sizwe okunengi ngodaba lwamabhanga.

Ezinye izindaba zeStudio7 ...

XS
SM
MD
LG