amalinks wokungena

Breaking News

Kambe Usibalukhulu WeBhanga Lelizwe Uzakwethula Ziqondiso Bani?


Usibalukuhulu webhanga elikhulu lelizwe iReserve Bank of Zimbabwe (RBZ) uMnu Gideon Gono ukhangelelwe ukwethula uluhlu lweziqondiso zemali (monetary policy) kusasa. UMnu Gono ubikwa ezakwesula abanye ozero emalini yelizwe.

Ubikwa njalo ezakwengezelela inani lemali esingathathwa ngabantu munye ngamunye ebhanga ngelanga. Imali uzulu avunyezwa ukuyithatha kathesi ebhanga yi$100 billion kuphela, yona engasathengi lutho.

Inyathelo likaGono liza lapho uzulu eqhubeka ebhekane lobunzima bokusweleka kwemali, ukusilela kokudla lokuqonga kwentengo yakho yezinto ezitolo, lokunye nje. UMnu Patrick Moyo ohlala emzini weNkulumane koBulawayo, utshele iStudio 7 ukuthi ngokuqonga mahlayana kwentengo yezinto, sephila nzima lemuli yakhe.

Kunjalo nje imali yeZimbabwe yona iqhubeka isiwa amandla nxa iqathaniswa lemali yakwamanye amazwe, okuyinto ephazamisa uzulu jikelele kanye labamabhizimusi.

Umqondisi wenhlanganiso ekhankasela ukuthuthikiswa kwabensundu kwezamabhizimusi kweleMandebeleni uMnu Sam Ncube utshele uBrenda Moyo weStudio 7 ukuthi osomabhizimusi abanengi bakhangelele ukuthi uGono ethule iziqondiso ezizaletha ukuthuthuka kumabhizimisi lakunhlalakahle kazulu.

Ezinye Indaba ZeStudio7....

XS
SM
MD
LG