Umhlangano we International Aids Conference usungulwe izolo e Mexico City njalo uphela ngolwesihlanu. Umhlangano lo uletha ndawonye abezempilakahle,abacubungula igcikwane le HIV-Aids abathiwa ngama scientists ngesingisi, labadingisisa ulwazi mayelana legcikwane leli amareseachers, inhlanganiso ezizimeleyo eziphathisa asebephila legcikwane lezinye inhlanganiso ezinengi ezivela emazweni onke omhlaba.
Injongo yalonyaka yalumhlangano ngeyokuhlolisisa ukuphumelela kumbe ukwehluleka kwenhlolisiso ebisenziwa mayelana legcikwane lokumemetheka kwalo. Okunye kugoqela ukuthi ekucineni komhlangano uphume leziqondiso ezizaphathisa laba abanika uncedo lwemali lemithi kunhlanganiso ze HIV-Aids emazweni omhlaba.
Umhlangano lo ukhangele ukuphuma lendlela zokufundisa uzulu mayelana legcikwane lokumkhuthaza ukuthi akhulume mgceke ngalumkhuhlane kungela kukhangelela phansi lokwenyanya laba asebephila legcikwane.
UBrenda Moyo weSstudio 7 ukhulume lodokotela Joshua Sibanda ingcwethi emkhuhlaneni wengculaza okhuluma ngokuqakatheka kwemihlangano enje.
Ezinye Indaba ZeStudio 7
