Umthethwandaba waphezulu e Pretoria kwele South Africa, ulahlele khatshana udaba lokuthi kumiswe ukuthi inkamba ezakhelwe
abathinteke kudlakela lwenkethabetshabi ekuqaleni kwalonyaka, inengi labo kuyizizalwane Zezimbabwe, zidilizwe.Udaba lolu lukhwezwe emthethwandaba yinhlanganiso ye Consortium for Refugees and Migrants in South Africa i(CORMSA) ibambene leye Wits Law Clinic zisola uhulumende ngokwephula ilungelo loluntu. Kodwa umthethwandaba uthi awephulanga ilungelo loluntu ngoba inkamba bezivele zingezesikhatshana nje.
UMnu Remember Moyo, umgcinisihlalo wenhlanganiso elwela ilungelo loluntu e South Africa, i Zimbabwe Action Support Group, utshele uSithandekile Mhlanga we studio 7 ukuthi isinqumo somthethwandaba siyadanisa kakhulu ngoba inengi lalababantu lizabhekana lodlakela lingabuyiselwa lapho ebe lihlala khona.
Ezinye indaba ze studio 7…
