Ibandla lama Democrats, eleMelika liqhubekela phambili lomhlangano omkhulu wamalanga amane, iConvention. Lumhlangano wenziwa ngemva kweminyaka emine lapho oyabe ekhethwe ukumela lelibandla kukhetho lokudinga uMongameli welizwe akhethwa okusemthwethweni ukumela lelibandla.
Lonyaka amehlo athe nhlo kulumbuthano ngoba sekulokhu kwabalombuso kantando kazulu akukaze kube lonsundu owafika kusibanga sokumela ibandla elikhulu kukhetho lukamongameli okwenziwe lumnyaka nguMnu. Barack Obama. Izizalwane zeZimbabwe lazo ziwubhekile lumhlangano ngabomvu zifuna ukubona ukuthi kuyozalwa nkomoni.
Ilunga lenhlanganiso yezizalwane zeZimbabwe eziseMelika, iAssociation of Zimbabweans Based Abroad, uMMnu. Dumaphi Mema uphe uChris Gande weStudio 7 imbono yakhe ngalumhlangano lezifundo ezingatholwa ngeleZimbabwe.
