Uhulumende usevumele inhlanganiso ezizimeleyo ukuthi zincedise abantu ngokudla lokunye. Inhlanganiso lezi zamiswa umsebenzi ngaphambilini kokhetho luka June 26 uhulumende ezethesa icala lokuthi zisekela amabandla ezombusazwe aphikisayo.
Umanyano we National Association of Non-Governmental Organisations (NANGO) uthi uthole incwadi evela kuhulumende isazisa ukuthi inhlanganiso ezigoqela ezipha abantu ukudla, ezincedisa abagulayo, abagogekileyo labalegcikwane lengculaza, kanye labantwana zingaqhubekela phambili zikwenze lokhu.
Lokhu kuzaletha injabulo kuzakhamizi zemaphandleni ngoba indlala isibhahile okwesabekayo. Uhulumende ubesechothozwe kakhulu zinhlanganiso ezilwela amalungelo oluntu lomhlaba jikelele ngokwalela inhlanganiso lezi ukwenza umsebenzi.
Umgcinisihlalo wesigaba senkabazwe kumanyano weNANGO, uMnu. Peter Muchengeti, utshele uSithandekile Mhlanga we studio 7 ukuthi leli kungabe kulinyathela elihle elithethwe nguhulumende kodwa bamelele umhlangano laye ngomvulo ukuze bezwisise okunengi ngalo.
