amalinks wokungena

Breaking News

Abasekeli BeZanu PF Betheswa Icala Lokuqala Udlakela eMatobo


Abalwa impi yenkululeko, ama war vets labasakhulayo bebandla leZanu PF babikwa sebeqalisile ukuthwalisa nzima izakhamuzi zeMatobo lapho okukhangelwe ukwenziwa ukhetho lokuding ozamela lesi sigaba edaleni lephalamende.

Lesi sihlalo sasala singelamuntu ngamva kokukhethwa kukaMnu. Lovemore Moyo ungamgcinisihlalo wecele leMDC elikhokhelwa nguMnu. Morgan Tsvangirai ukuthi abengumlawuli walelidale. Kodwa akukaziswa ukuthi ukhetho luzenziwa nini.

Iphephandaba lebulenjini, iZimbabwetoday lithi abasekeli beZanu PF bahle baqala ukungena kulesi sigaba ngemva kokhetho lwamadale esenate lelephalamende ngoMvulo odluleyo. IZimbabwetoday ithi ilamagama ezikhulu zamasotsha ezimbili eziqanjwe ukuthi zikhokhele ubudlwangungudlwangu kulesi sigaba njengokwenziwa phambilini kokhetho lwe run-off ngoNhlangula.

Obemela lesi sigaba edaleni lephalamende, uMnu. Moyo utshele iStudio 7 ukuthi lanxa eseke wezwa udaba lokuhlukuluzwa kwabantu esigabeni sakhe yena kakakuboni njalo akulamuntu aseke wakhuluma laye osekewahlangana lakho.

Kodwa ingcwethi ecubungula ezombusazwe uMnu. Walter Nsununguli Mbongolwane utshele uChris Gande weStudio 7 ukuthi kukhanya kuzaba kubi sibili kulesi sigaba njengoba iMDC kaTsvangirai ilamalunga edale lephalamende angu 99 leZanu PF, ilamalunga angu 98.

Ezinye indaba ze studio 7...

XS
SM
MD
LG