Uzulu weZimbabwe usekhale zoma ngokuqhubeka impilo isoma ngamandla ngenxa yokuqonga kwentengo yezinto, leyokuhambisa. Inengi livuma ukuthi alazi ukuthi seliphila njani ngoba ukuqonga kwentengo lokhu, akuhambelani lokwengezelelwa iholo lezisebenzi. Abanye ngasebe ngasazebenziyo.
Emaphandleni indlala ibikwa isibhahe okokuthi abantwana abanengi sebetholakala belemikhuhlane ebangelwa yikuswela ukudla okwakha umzimba. Ngakwelinye icele uhulumende uqhubeka egwabisela abenhlanganiso eziphathisa abahluphekayo udaba lokuthi ziqale umsebenzi wokuphathisa uzulu ngokudla lokunye.
UBrenda Moyo weStudio7 ukhulume loNkosikazi shailet Ndebele ohlala emzini weKingsdale ko Bulawayo, othi laloba intengo ikhwelile ezinye iziznto ezifana lesinkwa azitholakali.
kunjalo nje ingcwethi kwezenotho umnumzana Rejoice Ngwenya uthi ukuqonga kwentengo yedollar leMelika eselithengwa nge three thousand dollars yakuleli, yikho okukhulu okubangela ukuqonga kwentengo yakho konke.
Ezinye Indaba ZeStudio7...
