Eminye imisakazo ye melika incoma inkulumo kaNkosikazi Sarah Palin, oncintisa ukuba ngumsekeli ka Mnu. John McCain enganqoba kukhetho lokudinga umongameli ngenyanga ka November lonyaka emele ama Republicans, isithi imveza engumuntu olohlonzi lanxa inengi belimeyisa.
UNkosikazi Palin ubekhuluma emhlanganweni omkhulu osaqhubeka owe convention yebandla lama Republicans izolo ntambama.
UMnu. Handel Mlilo, isiphathamandla secele le MDC elikhokhelwa nguMnu. Morgan Tsvangirai ngapha emelika, utshele uSithandekile Mhlanga we studio 7 ukuthi eleZimbabwe kunengi okumele likufunde ngendlela udaba lwezombusazwe oluqhutshwa ngayo ngamanye amazwe, lapho okulokuchothozwana egcekeni kungelakwesaba.
