amalinks wokungena

Breaking News

Umuyi, uBishop Wilson Sitshebo Ubekwa KoBulawayo


Obengumgcinisihlalo wenhlanganiso yomanyano wezokholo, iZimbabwe Christian Council, ZCC, uBishop Wilson Timothy Sitshebo obhubhe ngoLwesine ivike edluleyo ubekiwe lamuhla koBulawayo. USitshebo obengu Bishop weSonto ye Anglican Diocess esigabeni seMandebeleni ubeseleminyaka engamatshumi amahlanu lesithupha.

Ufele esibhedlela seMaterdei ngemva kokugula okwesikhatshana. USitshebo ubesazakala njengomuntu olesibindi sokukhutshela abezombusazwe ngokusenhliziyweni yakhe. Umuyi wayengomunye wenkokheli zabokholo abahlangana loMangomeli Mugabe befuna ukuthi axoxisane labamabandla aphikisayo. Umuyi wake wasebenza kubutho njalo ubesazana kakhulu loMangemli Mugabe. Utshiye umkakhe labantwana ababili. Asizweni ingxoxo ayenza leStudio 7 ngomnyaka odluleyo.

Kunjalo nje, inengi lakoBulawayo lithi lilhlekelwe ngumuntu obethembisa ukulungisisa indubo zalesi sigaba kulandela ukubhixwa edakeni kwegama lika Bishop weRoma, uPius Ncube. Omunye owasebenza lomuyi, uMfundisi wesonto yeBaptist uRay Motsi uphe uChris Gande weStudio 7 imbono yakhe ngomuyi.

Ezinye izindaba zeStudio7 ...

XS
SM
MD
LG