amalinks wokungena

Breaking News

Yinto Encane Esibambelele Ukubunjwa Kukahulumende Womanyano: Mugabe


UMongameli Robert Mugabe uthi ukudonselana okukhona phakathi kweMDC leZanu PF phezu kodaba lwezikhundla zabaphathintambo kudale leCabinet, ludaba oluncane olulakho ukulungisiswa ensukwini ezilutshwana ezilandelayo.

UMugabe, yena okhangelelwe ukwethula owakhe umbiko ngolweSine emhlanganweni weUnited Nations General Assembly, wethule amazwi la ngolweSithathu eseNew York ekhuluma lentathelizindaba. Uthe udaba oluhluphayo ngolwezikhundla ezine kuphela.

Kodwa abazi ngokwenzakalayo bathi lolu ayisilo lodwa udaba oluhluphayo. Bathi olunye udaba oluhluphayo ngolwezikhundla zaboSibalukhulu bezabelo.

Bathi njalo izikhundla ezibangwayo kudale zedlula ezine. UMugabe uveze njalo ukuthi inkulumo phakathi kweZanu PF leMDC ziyaqhubeka eHarare laloba yena engekho, okuyinto elandulwa ngamacele womabili eMDC, esithi inkulumo lezi zimelele yena ukuthi aphindele elizweni.

UMnu Sam Sipepa Nkomo, oyisiphathamandla seMDC ekhokhelwa nguMnu Morgan Tsvangirai,
utshele uNtungamili Nkomo weStudio 7 ukuthi nxa kuyinto encane esibambelele ukubunjwa kohulumende womanyano, kuyamangalisa ukuthi kungani uMugabe etshiye engakulungisisanga.

Kunjalo nje, uNtungamili Nkomo oweStudio 7 uphinde wakhuluma lesiphathamandla seMDC ekhokhelwa nguMnu Arthur Mutambara, uMnu Abednico Bhebhe yena othi kakusilo qiniso ukuthi udaba osoluhlupha ngolwezikhundla zeCabinet kuphela.

Ezinye Indaba ZeStudio 7...

XS
SM
MD
LG