Inhlanganiso ephathisa ngokudla lolunye uncedo, iSave The Children ithi izakhamizi emaphandleni seziphila ngempande, amagundwane lokunye okungadliwayo ngoba kungasela kudla elizweni. Isikhulumi salinhlanganiso, uNkosazana Sarah Jacobs uthi indlala elizweni isihlasele kakhulu abantu emadolobheni lasemakhaya okokuthi labasebenzayo labo bazafuna uncedo lokudla. UJacobs uthi izakhamizi zempahandleni zithi sezizame zonke indlela zokuziphilisa okokuthi sezisesabela ukuthi kungekela ukutholakala ukudla kumalanga amalutshwana azayo kuzafa abantu abanengi bebulawa yindlala. Kwezinye izigaba zelizwe kubikwa sekufe abantu, ikakhulu abayabe begula, ngokusilela kokudla. Kunjalo nje, inhlanganiso zokholo zeZimbabwe zibuthene izolo kwele South Africa zibonisana ukuthi udubo lwendlala lungaqedwa njani elizweni. Omunye obekhona ngumfundisi Useni Sibanda olilunga leChristian Alliance olandisele uChris Gande ngokwenzakeleyo kulumhlangano.
Ezinye izindaba zeStudio7 …