Laloba ibhanga elikhulu lelizwe iReserve Bank of Zimbabwe selethule imali entsha ye 50 thousand eqale ukusebenza namhla ibikwa ibingatholakali emabhanga amanengi elizweni. kusukela namhla njalo uzulu usevunyelwa ukuthatha i50 thounsand dollars ngelanga eyengezwe isuka ku 20 thousand dollars,kodwa abamankampani belokhe bevunyelwa ukuthatha 10 thousand dollars. uzulu ukhala ngokuthi i 50thousand dollars le ayithengi lutho, njengokutsho kukaNkosikazi Nomalanga Ncube weTshabalala ko Bulawayo lapho exoxa loBrenda Moyo weStudio 7.
Kunjalo nje ingcwethi kwezenotho uMnumzana Clemence Sibanda laye uxoxe loBrenda Moyo wathi ekulungisiseni inotho yelizwe uhulumende omutsha kumele aqakathekise inswelo zikazulu evumelana loNkosikazi Ncube ukuthi i50 thousand dollars entsha le ayisoze incede lutho.
Ezinye Indaba ZeStudo7...
