amalinks wokungena

Breaking News

Izifundi Zitshengisela Kuvulwa Idale Lephalamende


Izifundi ezedlula amakhulu amahlanu zitshengisele lamuhla phandle kwedale lephalamende zisithi zufna kulungisiswe udaba lwezemfundo elizweni. Kulimele kwabotshwa izifundi ezimbalwa ekutshengiseleni lokhu ngemva kokulwisana lamapaholisa abehlome ngezamboko lemibhobho. Amapholisa adlula ikhulu lamatshumi amahlanu avimbe izifundi lezi kodwa inkokheli yazo ethi uClever Bere lo Courage Ngwarai yangena kulelidale ngenkani yanikeza izisebenzi zalelidale incwadi ebilezikhalazo zazo. Kodwa ababili laba bahle babotshwa esinye sisfundi se Midlands State University, uPrivilege Mutanga ulimele ekhanda waze wasiwa esibhedlela se Avenue Clinic.

Kunjalo nje, idale lephalamende liqale umsebenzi lamuhla udaba lwendlala elizweni kuyilo obelusemqoka. Amalunga eZanu PF kulelidale avumelane lawe eMDC ekuthini kulendlala embi kakhulu elizweni. Kodwa omela iNyanga edaleni leli, uMnu. Douglas Mwonzora utshele lelidale ukuthi iZanu PF yiyo ebangela indlala ngoba ingabi ngemfanelo into ezisetshenziswa ukulima.

Omela iMutoko South uNkosikazi Olivia Mutshena uthe indlala ibangelwa yizijeziso zenotho ezethulwa ngamazwe entshonalanga. Umnu. Sam Sipepa Nkomo owecele leMDC kaTsvangirai emele iLobengula

Uthe ukuze kube lokuthula elizweni ibandla lakhe lizathi kubunjwe ikhomidi yalelidale ezacubunugla ubudlwangudlwangu obenziwa phambilini kokhetho lwe run-off ngonhlangaula. UChris Gande weStudio 7 uxoxe lesiphathamandla secele leMDC elikhokhelwa nguMnu. Arthur Mutambara uMnu. Paul Themba Nyathi ukuze sizwe imbono yakhe ngokusebenza kwedale leli eselilamalunga alikhulu awecele leMDC ekhokhelwa nguMnu. Morgan Tsvangirai lawangamatshumi ayisificamunwe munye lasifica munwe munye kuthi elinye icele leMDC lilamalunga alitshumi.

Ezinye izindaba zeStudio7 …



XS
SM
MD
LG