Ukukhulumisana phakathi kukaMongameli Robert Mugabe labakhokheli bamacele womabili eMDC uMnu Morgan Tsvangirai loMnu Arthur Mutambara kuqalile njalo eHarare lamuhla.
Sikhuluma nje umhlangano phakathi kwabathathu laba uqhubekela phambili eHarare ukhokhelwa ngumlamulankunzi kudaba lweZimbabwe uMnu Thabo Mbeki, yena ofike elizweni izolo.
Inkulumo lezi ziphezu kodaba lokwabelana izikhundla ezimqoka kudale lecabinet phansi kohulumende womanyano phakathi kwamabandla la.
Ibandla leZanu PF lizinike izikhundla zonke ezimqoka, okuyinto ephikiswa yiMDC.
Ingcwethi ecubungula ezombusazwe uMnu Mlamuli Nkomo uthi okwenza ibandla leZanu PF liyale ukwabelana ingatsha ezimqoka leMDC yikuthi liyakwazi ukuthi lokhu kungatsho ukuphuma kwalo embusweni.
