amalinks wokungena

Breaking News

IMDC LeZANU PF Ayisoze Incintisane Kukhetho Oluzayo


Amacele eMDC womabili athi awasoze ancintisane kukhetho lokudinga ozamela idale lephalamende lele senate ezigabeni ezitshiyeneyo zelizwe lapho osokusele kulezikhala khona nxa belokhu besalandela isivumelwano se Memorandum of Understanding abasilobelana phansi lebandla le ZANU PF.

Izigaba esezilezixhenge yi Matobo North, kulandela ukukhethwa komela lesisigaba ephalamende uMnu. Lovemore Moyo ukuthi abe ngumlawuli walelidale, eGokwe-Gumunyu, okwaubhubha khona owayemele lesisigaba

u Mnu Efreim Mushoriwa le Chegutu kulandela ukukhethwa kuka Senator Edna madzongwe ukuba ngumkhokheli wedale le senate.

Umgcinisihlalo we ZEC, uMnu. George Chiweshe usanda kutshela istudio seven ukuthi lanxa lingakaziwa ilanga lokhetho lolu ikhomisheni yakhe izaqhubekela phambili ngamalungiselelelo alolukhetho phansi komthetho wezokhetho i Electoral Act. Inhlanganiso ezihlola ukhetho ezifana le zimbabwe elections support network zithi ngabe lolukhetho luyamiswa.

Umsekeli wesikhulumi secele le MDC elikhokhelwa nguMnu. Morgan Tsvangirai, uNkosazana Thabitha Khumalo, utshele uSithandekile Mhlanga we studio 7 ukuthi isivumelwano se memorandum of understanding senqabela amacele womabili eMDC kanye lebandla le ZANU PF ukuthi bancintise kulolukhetho.

UMnu. Welshman Ncube, unobhala jikelele wecele le MDC elikhokhelwa nguMnu. Arthur Mutambara utshele uSithandekile Mhlanga we studio 7 ukuthi isivumelwano lesi asisoze senziwe sibe ngumthetho njalo ibandla ebeliphethe isikhundla esincintiswayo yilo elilakho ukunctintisana lamanye amabandla kumbe abazimeleyo abangaphandle kwesivumelwano se MOU lesi.

Ezinye indaba ze studio 7…

XS
SM
MD
LG