Izizalwane zakwele Zambia ziya ekhethweni kuviki ezayo ukuyakhetho umongameli kulandela ukufa kukamnu. Levy Mwanawasa ofe ngenyanga kaNcwabakazi kweleFrance. Ozamela ibandla likaMwanawasa, eliyilo ibandla elibusayo ele MMD ngumnu. Rupiah Banda kuthi ibandla lePatriotic Front eliyilo ibandla elikhulu eliphikisayo lizamelwa nguMnu. Michael Sata.
Ukhetho lolu luzenziwa ngemva kolwezimbabwe olwahluleka ukuletha impumel eyamukelwa ngamabandla wonke ayencintisa. Lolu lwalandela olweKenya lalo olwacina luletha uhulumende womanyano ngemva kokuba abancintisayo bengavumelananga ngempumela yalo. UChris Gande weStudio7 uxoxe lengcwethi ecubungula ezombusazwe, uMnu. Bekithemba Mhlanga ukuze sizwe ukuthi lolukhetho luzanika sifundo bani kuzizalwane zeZimabwe.
