Inhlanganiso ebona ngokwabela uzulu ukudla i United
Nations World Food Programme izolo yethule umbiko omayelana lesimo sendlala
kweleZimbabwe. IWFP ithi laloba ibhekane lohlupho lokusilela kwemali efunakala
ukudingela abantu beZimbabwe ukudla isizakwengezelela inani labantu abanikwa
ukudla kodwa abantu sebezathola ukudla okulutshwana.
Embikweni wayo
linhlanganiso ithi indlala isibangele ukuthi abantwana abanengi ezikolo bekele
ukuya ezikolo.
UBrenda Moyo weStudio7ukhulume loMnumzana Richard Gundane unobhala jikelele wenhlanganiso yababalisi eyeZimbabwe Teachers Association, ZIMTA. UGundane ukhala ngokuthi nga amabandla ezombusazwe ayaphanga ukuvumelana kudaba lwezikhundla zedale lecabinet,kubunjwe uhulumende, kulungisiswe umumo omubi oselizweni ogoqela ukubhididlika kwezempilakahle,umnotho, ezemfundo lokunye okunengi.