amalinks wokungena

Breaking News

Umnu Kofi Annan Ulubhekisa EZimbabwe


Owayengunobhala jikele wenhlanganiso yeUnited Nations uMnumzana Kofi Annan, lowayenguMongameli weMelika uMnumzana Jimmy Carter kanye loNkosikazi Graca Machel balubhekise eZimbabwe ngeviki ezayo kuhambo lokuyahlolisisa umumo wokudubeka kwabantu elizweni. Abathathu laba bangamalunga enhlanganiso ethiwa The Elders eyabunjwa nguwayenguMongameli weSouth Africa uMnumzana Nelson Mandela lomkakhe uGraca Machel ukuze ikhangele indaba ezihlupha amazwe omhlaba.

Amanye amalunga alinhlanganiso nguArchbishop (Emeritus) Desmond Tutu,lo wayenguMongameli weIreland uNkosikazi Mary Robinson. UMnumzana Richard Branson usomabhizimisi olenkampani yendizamtshina ethiwa yiVirgin Atlantic nguye opha usekelo lwemali kunhlanganiso yeThe Elders yona eyabunjwa ngelanga uMnumzana Nelson Mandela afikisa khona iminyaka engamatshumi ayisitshiyagalombili lesitshiyagalolunye –89 years.

UAnnan lequla lakhe bakhangelelwe ukwethekelela eleZimbabwe okwamalanga amabili mhlaka 22 lo 23 kuyonale inyanga, besuka lapho baye kwele South Africa.
UBrenda Moyo WeStudio7 ukhulume lengcwethi ecubungula ezombusazwe uMnumzana Zenzo Nkomo ochasisa ukuqakatheka kwaloluhambo ngesikhathi izinto zimi mazonzo elizweni.

Ezinye Indaza ZeStudio7...

Okuhambelana lalokhu

XS
SM
MD
LG